Back

m18講場:手機錢包TNG預告推「散紙包」

22/06/2016東網

m18講場:手機錢包TNG預告推「散紙包」

【on.cc東網專訊】 香港手機錢包TNG再升級兼預告推「散紙包」,勢要同Apple Pay睇齊。TNG嘅「散紙包」一入舖頭就會彈出嚟,唔使輸入密碼、連網都唔使上就可以「嘟」機畀錢,拍得住Apple Pay。



叫得做「散紙包」,而且無密碼,當然就唔可以放太多錢,手機有網絡嘅時間,「散紙包」會由TNG錢包自動充值至50元,搭車、買杯咖啡就啱啱好!TNG已經同幾間小巴同巴士公司傾好合作,只差運輸處首肯大家就可以喺公共交通工具體驗。聽聞TNG已經同Starbucks傾好合作,睇嚟可以好快潮買咖啡。



TNG個「散紙包」連smart watch(智能手錶)都用得,咬住Apple唔放,不過Apple名牌效應非常大,香港一班果粉急不及待7月試用Apple開發嘅手機錢包Apple Pay。Apple Pay其中一個賣點就係夠smart,當iPhone接近收款器嘅時候,唔使開鎖或者按任何掣,Apple Pay就會自己彈出螢幕。今個暑假香港手機支付真熱鬧!