立法會財務委員會在主席陳健波強行剪布下，通過成立創新及科技局的撥款。上周五楊偉雄獲任命為創新及科技局局長，意味著創新及科技局正式成立。提到創新和科技發展，就不得不提近日一個很有話題性的手機應用程式─TNG Wallet。早前TNG與759合作，推出增值$100送$100優惠，一夜爆紅，不少市民爭相參與活動，令系統不勝負荷；後來TNG聲稱可為客人代繳電費、煤氣費等，觸發多間機構發聲明澄清，不少網民表示擔心受騙，導致怨聲載道。
TNG行政總裁江慶恩接受《謎米香港》訪問時，被問到其公司背景和資金來源時，江慶恩直言：「坊間有好多炒作，同埋有好多網絡打手係度製造白色恐慌…TNG冇同任何一間中資企業有關係，而且同Sino Dynamic亦都係獨立。」講到TNG成立的原因，「公司有幾個股東，個個都有生意做，我自己係大股東，亦係Sino Dynamic既老闆……咁我地覺得既然自己有經驗、有能力，咁就做左TNG出黎。」近年中港矛盾加劇，不少香港人反感大陸人，甚至一聽到某企業是有「紅色背景」就揚言杯葛他們，「我覺得好奇怪，即使係紅色資本又有咩問題？大家都係咁用淘寶、Wechat，我唔明白有咩問題，更何況我地都唔係紅色資本。」
聽到TNG，大部分人只會想到的是到759增值$100後會再多送$100，江慶恩說與TNG合作的不止759，「而家大約有200-300間商戶加入我們，有茶餐廳、魚蛋檔、面包店……我地個target係個啲中小企，針對冇八達通、Visa、Master既舖頭。」江慶恩稱成立TNG的目的是惠及中小企，採取全自動化的模式，令商戶和消費者更方便、省時。「每間商戶都有個QR Code，User只要掃一掃個QR Code就會比左錢，而商戶只要用手機就可以confirm係咪完成交易。」被問到是否與八達通競爭，「我想強調一點，我地從來都冇諗過同佢地(八達通)競爭，因為我地主要針對既係中小企或者小販。」
江慶恩透露已準備了6、7年時間，對於創科局的成立有什麼感想，他說，「對創意科技有一定既幫助，呢幾年一直同佢地(政府)有密切既交流，大家來往左好幾年，政府都好welcome我地，而我都認為立例係一件健康、有必要既事。」
TNG Wallet是一種虛擬的錢包，用戶可透過759、7-11、Jetco等增值，然後就可以購物。除了付款功能外，還可以轉賬給朋友。除此之外，TNG還有很多特別和創新的功能，「TNG有內置既積分卡、會員卡，係買野之前比佢(商戶)掃一掃就會儲左分或者已經折左。同埋我地同電子門票合作，不論時間、地點，你都可以買到飛，然後可以將飛send比朋友，唔洗將實體飛送到朋友手上。黎緊我地會推出medical helper，我地同200幾間診所合作，推出用$1000買10張套票既優惠，只要User打開個APP就可以見到有咩診所係附近，可以預先攞籌同掛號。」江慶恩指這些功能暫時還沒有人做過，他續透露，「TNG將會同自動售賣機合作，User如果有需要，可以透過APP check下附近最近的自動售賣機係邊度，以及有冇你想要既野，有既話只要用TNG就可以買得到。」
(TNG與電子優惠劵合作)
(TNG與電子門票合作，不用使用實體門票入場)
(TNG將與自動售賣機合作)
科技先進，令人最擔心的當然是安全問題，江慶恩指TNG比NFC更安全，「個QR Code每10秒就會轉一轉，就算比人偷影左都冇用。而且開TNG要輸入password，然後睇QR Code個陣又要輸入多次password，所以安全問題唔洗擔心。」至於提到早前TNG聲稱可以替用戶繳費，導致煤氣公司、中電等公司發聲明澄清。江稱，「市民可能好緊張，但既然大家feel uncomfortable，所以我地暫時停止左服務，等安排好就會重新繼續服務。」
的士在幾年前已推出可用八達通付款，可惜至今仍未普及，江慶恩指，「失敗係因為通常一部的士都係由幾個司機合租，如果裝八達通收費機，鼓勵乘客用八達通比錢的話，司機每日既收入就難以計算。其二，如果用八達通收費機就須要登記銀行戶口同其他個人資料，但由於的士司機係唔交稅，所以用八達通比錢呢個方法唔成功。」但江指TNG只要用手機便可交易，故此推行起來會較易接受和方便。
香港人喜歡創新，但TNG的出現卻有不少質疑的聲音，原因是否走得太快，而令香港人還沒適應，「我認為係一小部分既人唔接受，同埋新既野帶到衝擊既時候啲人就會驚，未必即刻可以接受到。」
- See more at: http://news.memehk.com/posts/12242#sthash.e7crmlNR.dpuf